Баҳодир Жалоловнинг навбатдаги жанги санаси маълум бўлди

Спорт

−

03 Ноябрь visibility10794 timer1 дақиқа

Ўзбекистонлик супероғир вазн тоифасидаги боксчи Баҳодир Жалолов жорий йилнинг 14 ноябрь куни Тошкентдаги "Ҳумо арена" мажмуасида ташкил этиладиган проф бокс оқшомида иштирок этади. Бу ҳақида спортчи ўзининг Instagram тармоғидаги саҳифасида маълум қилди.

Бокс оқшомида Баҳодир Жалолов нигериялик Соломон Адебайо билан баҳс олиб боради.
Соломон шу кунгача проф боксда 14 та жанг ўтказиб, барчасида ғалаба қозонган. У 13 та жангни муддатидан олдин ўз фойдасига ҳал этган.

Маълумот учун, Баҳодир Жалолов шу кунга қадар профессионал боксда 16 марта жанг ўтказиб, уларнинг 14 тасида муддатидан аввал ғалаба қозонган.

Эслатиб ўтамиз, аввалроқ Жалолов жорий йилнинг 6 октябрь куни Санкт-Петербург шаҳрида бўлиб ўтган “IBA Pro 10” турнирининг марказий жангида россиялик Виталий Кудухов билан тўқнаш келиб, саккиз раундлик жангда очколар бўйича ғалабага эришган эди.

Мақола муаллифи