Aвгустда пиёда юрганларга қанча пул берилгани маълум бўлди

Жамият 12888
image
-

Жорий йилнинг август ойида энг кўп пиёда юрганларга қарийб 69 миллион сўм мукофот пули берилди. Бу ҳақда Туризм ва спорт вазирлиги Матбуот хизмати маълум қилди.

Қайд этилишича, “Соғлом турмуш тарзи” (1hls.uz) платформасида август ойи якунларига кўра туманлар кесимида 203 та ғолиб аниқланган. Умумий ҳисобда уларга 68 900 000 сўм маблағ тўлаб берилган.

Республика миқёсида тошкентлик Улуғбек Тоиров ғолиб бўлган, у қарийб 2,2 миллион қадам юриб 1 800 000 сўм ютиб олган. Эътиборлиси у июль ойи якунлари бўйича ҳам ғолиб бўлган.

Маълумот ўрнида, платформа орқали амалга ошириладиган тўловлар алкоголь (пиво, ароқ) ва тамаки маҳсулотларини ишлаб чиқарувчиларга татбиқ этилган йиғимдан олинади.

Юлдуз Абдурашидова
Мақолага баҳо беринг
Баҳолаганлар: 639
Рейтинг: 3
t
×