“Арсенал” мавсумнинг ярмида 50 очко тўплаган тўртинчи АПЛ клубига айланди
Спорт
−
23 Январь 2023 3398
“Арсенал” Англия Премьер-лигасининг ярим мавсумида 50 очко тўплаган тўртинчи клуб бўлди.
Ўтказилган 19 учрашувдан сўнг лондонликлар 50 очко билан турнир жадвалида пешқадамлик қилмоқда ва иккинчи ўриндаги “Манчестер Сити”дан 5 очко олдинда бормоқда.
Шу вақтга қадар АПЛда 38 учрашувдан иборат мавсумнинг ярмида жамоалар 50 очкодан кўп тўплаган ҳолат беш марта юз берган. Бу ишни “Манчестер Сити“ (2017-2018), “Ливерпуль” (2019-2020), “Челси” (2005-2006) ва яна “Ливерпуль” (2018-2019) уддалаган.
Эслатиб ўтамиз, кеча, 22 январь куни Англия Премьер-лигасининг 21-туридан ўрин олган “Арсенал” ва “Манчестер Юнайтед” учрашуви якунига етди. Лондондаги “Эмирейтс” стадионида бўлиб ўтган баҳсда “Арсенал” 3:2 ҳисобида ғалаба қозонди.
Live
Барчаси
