АПЛнинг барча клублари либосига ўзгартириш киритилди

Спорт 5000
image

Футбол бўйича Англия чемпионати клублари ўйинчилари мавсум тикланидан сўнг, биринчи даврага майдонга бошқача тарзда тушишади. Гап шундаки, уларнинг футболкаларида фамилиялари билан бирга Black Lives Matter (Қоралар ҳаёти муҳим”) ёзуви туширилган бўлади. Бу ҳақда Англия премьер-лигаси (АПЛ) Матбуот хизмати хабар берди.

Аввалроқ, АПЛ клублари ушбу ёзувни футболчилар кўйлагига ёзиб қўйиш ташаббуси билан чиққан эди. Ушбу ташаббусни лига раҳбарияти қўллаб-қувватлади. АПЛ, шунингдек, футболчилар вафот этган афроамерикалик Жорж Флойдни хотирлаш учун ўйин олдидан ёки унинг вақтида тиз чўкиш истагини тасдиқлади.

"Биз футболчилар қаерда бўлишидан қатъи назар, ирқий хурофотни йўқ қилишнинг ягона мақсади, ранги ва динидан қатъи назар, барчага ҳурмат ва тенг имкониятга эга бўлган глобал жамиятни яратиш тарафдоримиз”, деди футболчилар.

Футболчилар ушбу либосда АПЛнинг дастлабки 12 учрашувида, шу жумладан, 17 июнь куни бўлиб ўтадиган иккита чемпионат ва 23-турнинг 10-ўйинида майдонга тушишади. Шунингдек, мавсум тугагунча футболчилар либосида Black Lives Matter ёзуви ва Буюк Британиянинг соғлиқни сақлаш тизимига коронавирус пандемияси пайтида қилган иши учун миннатдорчилик рамзи жойлаштирилади.

Маълумот учун, 13 март куни Англия чемпионати коронавирус пандемияси туфайли тўхтатилган эди. Мавсум 17 июнь куни қайта бошланади. Турнир жадвалини 29 учрашувдан сўнг 82 очкога эга “Ливерпул” бошқариб турибди.

Сарвар Анвар ўғли
Мақолага баҳо беринг
Баҳолаганлар: 69
Рейтинг: 2.9
Теглар
t
×