АОКА директорига янги ўринбосар тайинланди

Жамият 4273
image

Бугун, 6 май куни Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директорининг янги ўринбосари АОКА жамоасига таништирилди. Бу ҳақда Президент матбуот котиби Шерзод Асадов маълум қилди.

Ушбу лавозимга Президент Администрацияси раҳбарининг фармойиши билан Улуғбек Аҳмадович Азамов тайинланди. У бунгача Туризм ва маданий мерос вазирининг биринчи ўринбосари лавозимида ишлаган.

Улуғбек Азамов Жаҳон иқтисодиёти ва дипломатия университети ҳамда Буюк Британиядаги Суррей университетини тамомлаган, турли йилларда БМТ Тараққиёт дастури доирасида фаолият юритган, Ўзбекистоннинг Туркиядаги элчихонасида маслаҳатчи бўлган.

Агентлик директорининг янги ўринбосари халқаро ҳамкорлик, таҳлилий таъминот ва матбуот хизматлари фаолиятини мувофиқлаштириш масалалари билан шуғулланади.

Суннатилла Абдуллаев
Мақолага баҳо беринг
Баҳолаганлар: 54
Рейтинг: 3.2
t
×