Англия термаси 19 йиллик антирекордни такрорлади

Кеча, 26 сентябрь куни футбол бўйича UEFA Миллатлар лигаси (“А” лига) 6-тур учрашувлари доирасида Англия ўз майдонида Германия терма жамоасини қабул қилди ва 3:3 ҳисобида дурранг қайд этди.

Учрашувнинг дастлабки бўлимида ҳисоб очилмади. Шунинг учун жамоалар иккинчи бўлимда борини бериб ҳаракат қилди.

52-дақиқада инглизлар дарвозасига белгиланган пенальтини Илкай Гюндоган бехато амалга ошириб, Германияни ҳисобда олдинга олиб чиқди. Хаверц 67-дақиқага келиб, ҳисобдаги фарқни иккитага оширди. Шундан сўнг, устунлик “немис машинаси”га ўтиб кетадигандек туюлганди. Бироқ ингилизлар бунга осонликча рози бўлмади ва Шоу, Маунт ва Кейннинг голлари эвазига ҳисобни 3:2 кўринишига келтирди. Аммо футбол ватани вакиллари ғалабани сақлаб қола олмади. 87-дақиқада Кай Хаверц дублни расмийлаштириб, Германияни мағлубиятдан қутқариб қолди.

Англия терма жамоаси кетма-кет 6 та ўйинда ғалаба қозона олмади. Ингилизлар ҳисобида 3 та мағлубият ва 3 та дурранг натижа бор. Англияда бунчалик омадсиз серия 1993 йилда қайд этган. Ўшанда ҳам англияликлар 6 та ўйиндан иборат ғалабасиз ўйин намойиш қилган.

Миллатлар лигасининг гуруҳ босқичи якунларига кўра, умумий ҳисобда 3 очко жамғарган Англия “Б” лигага тушиб кетди.

Маълумот учун, UEFA Миллатлар лигасининг ярим финалига Португалия, Хорватия, Италия ва Нидерландия йўл олди.