Андижондаги аянчли ЙТҲ қурбонлари сони ортди

Жамият 7996
image

Аввалроқ, Андижонда Nexia-3 ва “ЗИЛ-130” юк машиналари тўқнашувида икки киши ҳалок бўлгани ҳақида хабар берган эдик. 

Йўл-транспорт ҳодисаси соат 21:00 ларда Андижон вилояти Андижон тумани ҳудудида содир бўлган. Асака туманида яшовчи Х.М. Nexia-3 русумли транспорт воситаси тезлигини меъёридан ошириб бошқариши оқибатида, шу йўналишда йўлнинг ўнг четида тўхтаб турган 27 ёшли А.Н. бошқарувидаги “ЗИЛ-130” русумли юк автомашинасига урилган.

Натижада икки киши воқеа жойида ҳалок бўлган, яна икки нафари шифохонага олиб кетилганди.

Ички ишлар вазирлиги ҳузуридаги Тергов департаментининг маълум қилишича, шифохонага олиб кетилган Nexia-3 автомобилининг йўловчилари кўрсатилган тиббий муолажаларга қарамасдан вафот этишган.

Мазкур ҳолат юзасидан Андижон вилояти ИИБ ҳузуридаги Тергов бошқармаси томонидан Ўзбекистон Республикаси Жиноят кодексининг 266-моддаси 3-қисми “а” банди (Одамлар ўлимига сабаб бўлган транспорт воситасини бошқарувчи шахс томонидан транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Дастлабки тергов ҳаракатлари давом эттирилмоқда.

Суннатилла Абдуллаев
Мақолага баҳо беринг
Баҳолаганлар: 236
Рейтинг: 2.9
Теглар
t
×