Андижонда юк автомобили катта тезликда Matiz ва Spark билан тўқнашди (видео)

Local

−

08 June 2021 visibility12671 timer1 minute

Андижон вилоятида юк автомобили ҳайдовчиси маст ҳолатда бошқарувни йўқотиб, тўхтаб турган Matiz ва Spark билан тўқнашди. Бу ҳақда Ўзбекистон ИИВ ЙҲХББ хабар бермоқда.

Маълум қилинишича, жорий йилнинг 5 июнь куни соат 19:00 ларда Андижон вилояти Андижон тумани “Завроқ” МФЙ ҳудудидан ўтган автомобиль йўлида ҳайдовчи У.З. “Газ-5327” русумли юк автомобилида ҳаракатланаётиб бошқарувни йўқотган ва автомашиналарни таъмирлаш устахонаси олд томонида тўхтаб турган Matiz ҳамда Spark русумли автомобиллар билан тўқнашув содир этган.

Оқибатда ҳодиса жойида бўлган фуқаролар — Н.Қ., О.З., Х.Э., А.М. ва вояга етмаган М.И.ларга турли даражадаги тан жароҳати етган. Юк автомобиль ҳайдовчиси тиббий текширувдан ўтказилганда мастлик ҳолати тасдиқланган.