Америкалик машҳур боксчи промоутерсиз қолди

Теренс Кроуфорд ҳеч қандай промоутерлик компанияси билан шартнома имзоламагани учун эркин агентга айланди. Бу ҳақда ESPN хабар берди.

Икки дивизион бўйича собиқ мутлақ жаҳон чемпиони PBC билан 2023 йилнинг июль ойида Эррол Спенсга қарши жанг ўтказиш бўйича шартнома имзолади. Жангда Кроуфорд муддатидан олдин ғалаба қозонди, бироқ, бу шартнома фақат битта жангга мўлжалланган ва реванш вариантини ўз ичига олган. Бироқ, Кроуфорд-Спенснинг иккинчи жангигача Кроуфорднинг амалдаги промоутери билан келишуви муддати тугади. Эррол эса кўзидан жарроҳлик амалиётини ўтказаётгани учун рингга чиқа олмади.

Шундай қилиб, Кроуфорд энди эркин агент ҳисобланади. Ҳозирда мексикалик машҳур боксчи Сауль Альваресда ҳеч қайси компания билан келишув йўқ. Канело ҳам PBC билан ишлашни тўхтатди.

Қайд этиш жоиз, Теренс Кроуфорд “The Ring” журналининг вазн тоифасидан қатъи назар (P4P) рейтингида 1-ўринни банд этган.