Америка космик кемаси Марсга етиб борди (видео)

Технология 8627

NASA`нинг Марс орбитасига учирган Perseverance ровер ва Ingenuity вертолётига эга Америка автоматик сайёралараро станцияси кеча, 18 февраль куни (Тошкент вақти билан бугун) Қизил сайёра юзасига муваффақиятли қўнди. Бу ҳақда АҚШ Миллий авиация ва космик бошқармаси (NASA) хабар берган.

Ҳодиса Тошкент вақти билан тунги соат 01:55 да амалга оширилган. 

"Биз Perseverance'нинг Марс юзасига қўнганини тасдиқлаймиз", дейилган агентлик хабарида. 

Марсга қўнганидан тахминан уч дақиқа ўтгач, космик кема сайёра юзасидан биринчи оқ ва қора тасвирни узатган. 

Американинг Марсга учирилган сайёралараро автоматик станцияси ўтган йилнинг 30 июлида ишга туширилган эди. 

Perseverance NASA Қизил сайёрани ўрганиш учун юборган Американинг бешинчи космик кемаси ҳисобланади. 

У дунёдаги энг катта ровер бўлиб, оғирлиги 1025 кггача етади, узунлиги 3 метр, кенглиги эса 2,7 метр. 

Шунингдек, у кўплаб тадқиқот ускуналари билан жиҳозланган.

Эслатиб ўтамиз, жорий йилнинг 10 февраль куни Хитойнинг "Тяньвэнь-1" зонди Марс орбитасига муваффақиятли чиққанди.

Рушана Султонова
Мақолага баҳо беринг
Баҳолаганлар: 266
Рейтинг: 3
Теглар
t
×