“Америка даҳшатининг” охири: Колумбия муҳожирларни уйига олиб келди
Олам
−
29 Январь
6261АҚШнинг иккита ҳарбий самолётини ортга қайтаргандан кейин Богота Калифорния ва Техасдан 201 нафар фуқаросини, жумладан болаларни олиб келиш учун ҳаво кучларининг иккита самолётини юборди. Кеча, 28 январь куни муҳожирлар Колумбияга қайди. Уларнинг самолётдан тушаётгани тасвирланган расмларни мамлакат Президенти Густаво Петро ўзининг Х ижтимоий тармоғидаги саҳифасига жойлаштирди.
Колумбия Президенти Густаво Петро ўтган ҳафта Қўшма Штатлардан уйларига кишанланган ҳолда ҳайдалган бразилиялик муҳожирларга қилинган муомаладан норози бўлганидан кейин Колумбияга ҳам шу тарзда қайтарилаётган мигрантларни олиб келаётган АҚШ ҳарбий самолётларини қўнишини тақиқлаганди.
Бу сафар эса у ижтимоий тармоқларда ўз ватандошларининг Боготага манжетсиз тушаётган фотосуратларини жойлаштирди ва шундай ёзди:
"Улар колумбияликлар, эркин ва обрўли ва уларни ўз ватанларида севишади. Мигрант жиноятчи эмас, балки ишлашни, тараққиётни, ҳаёт кечиришни истаган инсон”, деб ёзган у.
Депортация қилинганлардан бири Карлос Гомес икки ҳафта олдин 17 ёшли ўғли билан “яхши келажак” излаб АҚШга жўнаб кетганини, бироқ у ерда топган нарса бу эмаслигини айтди.
"Бу Америка орзуси эмас, бу Америка даҳшати", деди Гомес Боготага қайтиб келганида журналистларга.
Шунингдек, Гомес улар сақланаётган муҳожирлар ҳибсхонасида таомлар "даҳшатли" экани, соқчилар уларни ҳақоратлагани ва шароит "маҳбусникидан ҳам ёмонроқ" эканини айтди. Сан-Диегодан дастлабки депортацияга уриниш бошланганда Гомес ўзининг ва ўсмир ўғлининг қўллари кишанланган ҳам даъво қилди.
"У менга "Дада оғрияпти", деб йиғлади", дейди Гомес биринчи депортация ҳақида.
Қайд этиш жоиз, АҚШнинг республикачи Президенти Дональд Трампнинг оммавий муҳожирларни депортация қилиш режалари уни Қўшма Штатлардаги 11 миллион ҳужжатсиз муҳожирларнинг аксариятининг асл уйи бўлган Лотин Америкаси ҳукуматлари билан тўқнашув йўлига солиб қўйди. У бир ҳафта олдин лавозимга киришганидан бери минглаб одамлар Гватемала ва Мексика каби мамлакатларга қайтарилди.
АҚШнинг аввалги маъмуриятлари ҳам мунтазам равишда ноқонуний муҳожирларни чиқариб юборган бўлса-да, Трамп тарихдаги энг катта депортация тўлқинини ваъда қилди.
Гондурас миграция масалаларини муҳокама қилиш учун эртага, 30 январь куни Лотин Америкаси ва Кариб денгизи давлатлари ҳамжамиятининг (CELAC) шошилинч йиғилишини чақирди. Петро унда иштирок этишини тасдиқлади, Мексика Президенти Клаудия Шеинбаум эса йиғилишга элчисини юборишини билдирди.
LiveБарчаси
Тренддагилар
![Хонанда Ширин Абдуллаева 19 ёшида вафот этди](https://ad-admin.qalampir.uz/uploads/JL/thumb_p6Pyauvu6GYY468LINoNRnAqu46EgF.jpg)
![Ўзгидромет тезкор огоҳлантириш билан чиқди](https://ad-admin.qalampir.uz/uploads/RA/thumb_RvPcZCyzuuv2eLxgGSpXSiLcRn9uwQ.jpg)
![Эртага қаерларда ёмғир, қор ёғиши айтилди](https://ad-admin.qalampir.uz/uploads/ty/thumb_uOhYZglgCg96vAvMCTmpPjsGwFyZ0h.jpg)
![Дам олиш кунлари ҳаво совиб, ёмғир, қор ёғади](https://ad-admin.qalampir.uz/uploads/C9/thumb_cSe0kVENmQbv6gvum1fPmGfARFACUD.jpg)
![Россия Сурияга пул билан тўлдирилган самолёт юборди](https://ad-admin.qalampir.uz/uploads/cL/thumb_uTxadG1RUHmDF37W05E46RX1wWOUXq.jpg)