Александр Усик кутилмаган чақирув олди
Спорт
−
07 Ноябрь 5463
Мексикалик Гильберто Рамирес украиналик Александр Усик билан жанг қилмоқчи. Бу ҳақда боксчининг промоутери Оскар Де Ла Хойя маълум қилди.
Манбага кўра, икки вазн тоифасида жаҳон чемпиони, мексикалик Гильберто Рамирес (46-1, 30 КО) украиналик юлдуз Александр Усик билан жанг ўтказишга қизиқиш билдирмоқда.
“Рамиреснинг бўлажак жанги шахсан мени нима учун ҳаяжонлантираётганини биласизми? Бир куни у Усик билан жанг қилиш истагини билдирди. Аммо Усик жанг учун биринчи оғир вазн тоифасига қайтиши керак ва бу жуда ҳаяжонли бўлади”, дейди Де Ла Хойя
Маълумот учун, 16 ноябрь куни Ар-Риёдда биринчи оғир вазн тоифасида (90,7 кг гача) WBA чемпиони бўлган Рамирес WBO чемпиони британиялик Крис Биллам-Смит (20-1, 13 КО) билан жанг ўтказади.
