АҚШнинг собиқ Президенти Буш Зеленский билан учрашмоқчи

Олам 3754
image

АҚШнинг собиқ президенти Жорж Буш келаси ҳафта Украина етакчиси Владимир Зеленский билан очиқ онлайн учрашув ўтказади. Бу ҳақда кеча, 10 ноябрь куни CNN телеканали Жорж Буш институтига таяниб хабар берди. 

Унга кўра, учрашув Далласда (Техас) очиқ форматда томошабинлар иштирокида бўлиб ўтади, Зеленский видеоалоқа орқали иштирок этади. Бу тадбир АҚШнинг Украинани қўллаб-қувватлашини давом эттириш зарурлигини тасдиқлашга қаратилган, дея таъкидлайди CNN. 

Жорж Буш институтининг глобал сиёсат бўйича бошқарувчи директори Дэвид Крамернинг айтишича, Америка Республикачилар партиясининг собиқ раҳбари “Американинг Киевни қўллаб-қувватлашини давом эттиришни ҳаётий муҳим” деб билади. Крамернинг сўзларига кўра,  “[АҚШнинг] Украинани қўллаб-қувватлаши масаласида партизан келишмовчиликларни четга суриш керак”. 

Оралиқ сайловларда қайта сайланган АҚШ Конгресси Вакиллар палатасидаги республикачилар озлиги етакчиси Кевин Маккарти республикачилар ғалаба қозонган тақдирда Киевга ёрдам ажратилиши устидан назоратни кучайтиришга ваъда берди. Шунингдек, у ғалаба қозонган тақдирда республикачилар биринчи навбатда мамлакатнинг ички муаммоларини ҳал қилишга, хусусан, ноқонуний иммиграцияга қарши курашга эътибор қаратишини айтди. 

Qalampir.uz Tahririyati
Мақолага баҳо беринг
Баҳолаганлар: 105
Рейтинг: 3
t
×