АҚШда ҳожатхона тозаловчи роботларни ёллаш мумкин
Технология
−
19 Август 2023 2428
Американинг Somatis стартапи жамоат жойлари учун ҳожатхона тозаловчи робот яратди. Бу ҳақда “Habr” нашри хабар берди.
Ишлаб чиқарувчиларнинг фикрича, автоном робот офис ва бино эгаларининг пулларини тежайди. Робот эшикларни ўзи очади ва ёпади, қаватлар орасидаги лифтда юради, деворлар ва полларга дезинфекциялаш воситаси ҳамда сув сепади, уларни тозалаш учун қопқоқларни кўтаради, сўнгра хонани чангютгич билан тозалайди.
Харидорлар роботни сотиб олмайди, худди ишчи каби ёллайди. У кунига 8 соат ишлайди, бир ойлик буюрма нархи тахминан минг АҚШ доллари.
Ишлаб чиқувчиларнинг фикрича, бу роботлар ходимларни ишсиз қолдирмаслиги керак, робот фақатгина кундалик тозалик учун мўлжалланган.
Эслатиб ўтамиз, Исроилнинг “Kitchen Robotics” компанияси соатига 75 та идишда овқат ишлаб чиқариш қувватига эга роботни яратди.
Live
Барчаси
