АҚШда ХХ асрнинг сирли қотилларидан бирининг шахси аниқланди

Америка Қўшма Штатларида 1960-йилларнинг охирларида энг кўп қидирилган “Зодиак” лақабли қотилнинг шахси аниқланди. Бу ҳақда “Fox News” хабар берган.  

“The Case Breakers” гуруҳи мутахассисларига кўра, жиноятчи Гэри Фрэнсис Пост бўлиб, у 2018 йил охирида вафот этган. Кўп йиллик тергов жараёнида мутахассислар янги далилни — қотилнинг пешонасидаги чандиқларни кўрсатадиган фотосуратлар “Зодиак”нинг фотороботидаги тасвирларга ўхшашини аниқлаган. 

Қолаверса, жиноят жойларидан бирида қотил тақиб олгани айтилган бўёқ сочилган қўл соати топилган. Олинган маълумотларга кўра, Гэри Пост қирқ йилдан ортиқ бўёқчи бўлиб ишлаган. 

“Зодиак” 1960-йилларнинг охири ва 1970-йилларнинг бошларида Шимолий Калифорнияни даҳшатга солган. У биринчи қотилликни 1968 йилда содир этган — йигит ва қизни отиб ташлаган. Умуман олганда, бешта қотиллик “Зодиак” билан боғлиқ, аммо у 37 қурбонни ўзи билан боғлаган. 

Жиноятчи Сан-Франциско газеталари таҳририятига хабарлар юборишни бошлагач, шуҳрат қозонган. Хатларида у жиноятлар учун жавобгарликни ўз зиммасига олган ва янгиларини қилиш билан таҳдид қилган. Унинг “Зодиак” лақабини олишига сабаб, у чизилган доира шаклида белги билан ҳарфларга имзо чеккан. Хабарларнинг баъзилари криптограмма бўлиб, улар кўп йиллар ўтиб ўқилган.