АҚШда икки кундирки коронавирусдан рекорд даражада одам ўлмоқда
Олам
−
09 Апрель 2020 18894
Сўнгги 24 соат ичида АҚШда COVID-19 ташхиси қўйилган 1 973 бемор вафот этди. Бу ҳақда, Жонс Хопкинс университети ўз сайтида маълум қилди.
Бу миқдор ўтган кундаги антирекордни янгилади. Бир кун олдин АҚШда коронавирус билан боғлиқ 1 736 та ўлим ҳолати қайд этилган. Шу билан, мамлакатда ушбу касалликдан вафот этганларнинг умумий сони 14 817 кишига етди.
Маълумот учун, АҚШда коронавирус эпидемияси бошланганидан бери 432 132 одамда инфекция тасдиқланган. Касалланганларнинг 23 906 нафари ушбу касалликдан фориғ бўлган.
Аввалроқ, мамлакат вице-президенти Майкл Пенс, Американинг йирик шаҳарларида коронавирус пандемияси билан боғлиқ вазият яхшиланаётгани ҳақида айтди. Шу муносабат билан, у барча америкаликларни ўзларини ва бутун жамиятни вирусдан ҳимоя қилиш учун "қўлидан келгани барча ишни қилишга" чақирди.
Live
Барчаси
