AQSH Ukrainaga 200 mln dollarlik harbiy yordam beradi

AQSH ma’muriyati Ukrainaga yangi 200 million dollarlik harbiy yordam paketi jo‘natadi. Bu haqda “Reuters” xabar berdi.

AQSH rasmiylariga ko‘ra, paketga AT-4, TOW va Javelin tankka qarshi raketa tizimlari, minalarni tozalash uskunalari, Patriot zenit-raketa tizimlari uchun o‘q-dorilar, GMLRS boshqariladigan raketalar, shuningdek, o‘q-dorilar kiradi. 

Bu mablag‘lar Pentagon zaxirasidan sarflanadi.

Nashr avvalroq Vashingtonda xato tufayli Kiyevga topshirilgan ba’zi qurollarning narxi noto‘g‘ri aniqlanganini tan olgan, bu esa taxminan 6,2 milliard dollarga oshirilgan.
Endi Qo‘shma Shtatlar bu miqdor uchun Ukrainaga harbiy yordam yetkaza boshlaydi. Birinchi bosqichda 200 million dollarlik paket jo‘natiladi. 

“Reuters” xabariga ko‘ra, Vashington ma’muriyati ayni damda Kongressga Kiyevga yordam berish uchun qo‘shimcha mablag‘ ajratish bo‘yicha yangi byudjet so‘rovi ustida ishlamoqda.

Eslatib o‘tamiz, Germaniya o‘tgan haftada Ukrainaga urushda foydalanish uchun harbiy mashinalar yetkazib bergandi. Uning tarkibiga Wisent 1 zirhli mashinasi, Vector razvedka droni, SurveilSPIRE avtomatlashtirilgan razvedka tizimi, T-72 tanklari uchun 11 ta minalarga qarshi qurilma va mobil antenna-minora tizimi kirgan.