AQSH Suriyada qo‘shinlarini qayta to‘plashga kirishgan – OAV
Olam
−
06 avgust 2023 8598
AQSH boshchiligidagi koalitsiya Suriyadagi o‘z ta’sir zonasida qo‘shinlarni qayta to‘plashga tayyorlanmoqda. Bu haqda Livanning “Al-Axbar” gazetasiga tayanib “Izvestiya” xabar berdi.
Nashrga ma’lum bo‘lishicha, yangi operatsiyadan maqsad asosiy va strategik ahamiyatga ega bo‘lgan ta’minot yo‘li va Iroq bilan chegaradagi o‘tish joyi bo‘lgan Abu-Kamol shahrini egallab olishga urinishdir.
Shu tariqa Vashington Eronning Iroq orqali tovarlar yetkazib berishiga to‘sqinlik qilmoqchi.
“Agar bu shahar ularning qo‘lida yoki rasman kurdlar qo‘l ostida bo‘lganida shunday holat yuzaga kelgan bo‘lardiki, Eron turli yuklarni Iroq hududi orqali Suriyaga, so‘ngra Livandan “Hizbulloh”ga yetkazolmay qolardi”, deydi sharqshunos, publitsist Andrey Ontikov “Izvestiya” bilan suhbatda.
Shu bilan birga, u Abu-Kamolning qo‘lga olinishi Suriya armiyasi va uni qo‘llab-quvvatlovchi kuchlar bilan to‘g‘ridan-to‘g‘ri to‘qnashuvni nazarda tutishini aytib o‘tgan.
Nashrga ko‘ra, bu ma’lumotning rasmiy tasdig‘i yo‘q, ammo so‘nggi paytlarda Abu-Kamol atrofi Isroil armiyasi tomonidan bir necha bor o‘qqa tutilgan.
Live
Barchasi
