АҚШ Россия кемаси ҳақида барча маълумотларга эга бўлган – Россия ТИВ

Россия “Mariner” кемасининг АҚШ томонидан қўлга олинишини халқаро ҳуқуқнинг қўпол бузилиши деб атади. Бу ҳақда Россия Ташқи ишлар вазирлиги баёнот берди.

Баёнотда айтилишича, халқаро ва Россия қонунларига мувофиқ, 2025 йил 24 декабрь куни Россия байроғини кўтариб юришга вақтинчалик рухсат олган “Mariner” кемаси Шимолий Атлантика океанидаги халқаро сувлардан бехосдан ўтиб Россия портига кетаётган бўлган.

Америка расмийлари бу вақтда расман Россия Ташқи ишлар вазирлиги орқали кеманинг Россияга тегишлилиги ва унинг фуқаролик, тинчликпарварлик мақоми ҳақида бир неча бор ишончли маълумотларни олган. Бироқ шунга қарамай улар танкер “байроқсиз” ёки “сохта байроқ остида” сузиб юрган, деб тахмин қилиб кемани қўлга олган. 

Қайд этилишича, халқаро денгиз ҳуқуқи очиқ денгизлардаги кемаларга нисбатан байроқ давлатининг мутлақ юрисдикциясини аниқ белгилайди. Очиқ денгизларда кемани тўхтатиш ва текширишга фақат қароқчилик ёки қул савдоси каби чекланган сабабларга кўра ёки тегишли давлат розилигига кўра рухсат берилади. 

“Кема эгасининг қонуний ҳуқуқлари ва манфаатлари жиддий равишда бузилмоқда. Бир нечта мамлакатлар фуқароларини ўз ичига олган “Mariner” экипажининг ҳаёти ва соғлиғи хавф остида”, дейилади муносабатда. 

Шунингдек, Ташқи ишлар вазирлиги АҚШ ҳарбийлари нефть танкерини хавфли тарзда таъқиб қилиш ва қуролли равишда қўлга олиш пайтида Шимолий Атлантика океанида атроф-муҳитга зарар етказиш хавфини ҳисобга олмаганини қўшимча қилинди.

Эслатиб ўтамиз, аввалроқ АҚШ Россия байроғи остидаги кемани ушлагани ҳақида хабар берилганди.