АҚШ-Хитой ўртасида ҳарбий зиддиятлар хавфи ошаётгани айтилди

Олам 2840
image

Оқ уйнинг ҳаракатлари туфайли ядровий уруш таҳдиди ортиши хавфи мавжуд, деди Россия Фанлар академиясининг АҚШ ва Канада институти илмий директори, Россия Фанлар академиясининг академиги Сергей Рогов.

“Трамп маъмурияти СНВ-3 шартномасини Хитойнинг қўшилиши билан узайтиришини маълум қилди, аммо бундай бўлмайди. АҚШ Ўрта ва қисқа масофали ракеталарни йўқ қилиш тўғрисидаги шартномадан чиқиб кетганидан сўнг, СНВ-3 шартномаси, аслида, охирги умид бўлиб турибди. Агар у бузилса, ҳарбий зиддият юзага келади, шу жумладан, ядровий уруш хавфи ҳам”, деди Рогов.

Унинг таъкидлашича, халқаро муносабатлар тизими ўтган асрнинг Совуқ уруши билан таққосланадиган Вашингтон ва Пекин ўртасидаги қарама-қаршиликка мосдир.

“Менинг фикримча, Хитой-Америка қарама-қаршилиги янада ривожланади. Икки мамлакат ўртасидаги савдо-иқтисодий алоқаларнинг узилиши ёки бузилиши жиддий оқибатларга олиб келиши мумкин”, деди академик.

Роговнинг сўзларига кўра, ҳарбий зиддиятлар Жанубий Хитой денгизида ўзини намоён қилиши мумкин.

 

Сарвар Анвар ўғли
Мақолага баҳо беринг
Баҳолаганлар: 88
Рейтинг: 2.9
Теглар
t
×