АҚШ қирувчи самолёти Жанубий Кореяда ҳалокатга учради
Олам
−
06 Май 2023 10728
Жанубий Кореяда АҚШ ҳарбий-ҳаво кучларининг F-16 қирувчи самолёти ҳалокатга учради. Бу ҳақда “Yonhap” ахборот агентлиги хабар берди.
Айтилишича, маҳаллий вақт билан соат 09:45да Американинг Ф-16 қирувчи самолёти пойтахт Сеулдан 60 км жанубда жойлашган Пхёнтек шаҳридаги Осан авиабазаси яқинида ҳалокатга учраган.
Ўт ўчириш бригадалари қулагандан кейин ёниб кетган самолётни ўчиришга ҳаракат қилган. Ёнғин хавфсизлиги хизмати хабарига кўра, ҳодиса натижасида фуқаролик иншоотларига зарар етмаган. Учувчи ҳам самолётни ташлаб, жиддий жароҳатлардан қутулиб қолган.
