АҚШ ИШИД етакчиси ўлдирилганини тасдиқлади

Олам

−

01 Декабрь 2022 visibility6111

0:00

download

Америка Қўшма Штатлари Марказий қўмондонлиги ИШИД етакчиси Абу ал-Ҳасан ал-Қурайшийнинг ўлдирилганини тасдиқлади. Бу ҳақда Марказий қўмондонликнинг расмий сайтида хабар берилган.

Таъкидланишича, ИШИД етакчисини ўлдириш операцияси “Озод Сурия” армияси томонидан жорий йилнинг октябрь ойи ўрталарида ўтказилган.

“Октябрь ойи ўрталарида Абу ал-Ҳасан ал-Қурайшийнинг ўлдирилиши ИШИДга яна бир зарба бўлди. Бу операция Суриянинг Даръа вилоятида “Озод Сурия” армияси томонидан ўтказилган. ИШИД минтақа учун таҳдид бўлиб қолмоқда. Бизнинг ҳамкорларимиз ИШИДни барқарор мағлуб этишга эътибор қаратади”, дейилади хабарда.

Аввалроқ ИШИД раҳбари Абу ал-Ҳасан ал-Қурайшийнинг ўлдирилгани тўғрисида бир қатор оммавий ахборот воситалари хабар тарқатган эди.

Мақола муаллифи