АҚШ Эронга дам олиш кунлари ҳужум бошлаши мумкин – ОАВ

АҚШ Президенти Дональд Трамп Эроннинг қайси объектларига ҳужум қилиш ёки нималарни нишонга олишни қарор қилгани йўқ, аммо режалар ҳафтанинг охирида амалга оширилиши мумкин. Ҳаракатлар асосан Теҳроннинг ядровий ва баллистик ракета дастурларига қаратилади. Бу ҳақда “Politico” нашри ёзди.

Маълум қилинишича, Трамп ўз даврининг энг катта ва энг қиммат ҳарбий тайёргарликларидан бирини амалга оширмоқда. У Эронни нишонга олиш учун юзлаб авиация кемалари, жанговар самолётлар ва разведка самолётларини юборган – бу минтақадаги энг катта Америка ҳарбий кучлари тўпланиши бўлиб, Ироқ урушидан бери бундай миқёсдаги куч ишлатилмаган. 

АҚШ расмийлари март ойигача барча ҳарбий кучлар минтақада бўлишини маълум қилган. Эрон эса шу вақтгача вазиятни ҳал қилиш бўйича ёзма таклиф киритишни ваъда қилган. 

АҚШ Давлат котиби Марко Рубио 28 февралда Исроил Бош вазири Биньямин Нетаньяху билан учрашиб, вазиятни муҳокама қилади.

Эронга ҳужум ва январь ойидаги собиқ Венесуэла раҳбари Николас Мадурони ҳокимиятдан ағдариш операцияси АҚШни миллиардлаб доллар харажатга қўяди. 

Трампнинг бу ҳаракати ички иқтисодиётни мустаҳкамлаш ва чет эл урушларидан узоқ туриш ҳақидаги ваъдаларига зид. Фақатгина бир неча ўнлаб жанговар ва разведка самолётларини юборишнинг ўзи ўнлаб миллион долларга тушиши мумкин.

Макур ҳужумда минтақада 17 та АҚШ уруш кемаси юборилади, бу дунё бўйлаб жойлашган тахминан 68 та уруш кемасининг катта қисми ҳисобланади. Таққослаш учун, Мадурони қўлга олишдан олдин Кариб денгизида тахминан 14 кема бўлган.

Эсалтиб ўтамиз, аввалроқ АҚШ Президенти Дональд Трамп Эронга ядровий дастур ва бошқа муаммолар бўйича келишувга эришиш учун 15 кун муҳлат берганди. Трамп агар келишувга эришилмаса, АҚШ жиддий чоралар кўриши, жумладан ҳарбий ҳаракатларни ҳам амалга ошириши мумкинлигини маълум қилган.