AQSH Kiyevga Rossiyaga hujum qilishda yordam berib kelmoqda – FT

Qo‘shma Shtatlar bir necha oy davomida Ukrainani Kiyevga Rossiya energetika ob’ektlariga hujum uyushtirishga yordam beradigan razvedka ma’lumotlari bilan ta’minlab kelmoqda. Bu haqda “Financial Times” amerikalik va ukrainalik rasmiylarga tayanib xabar berdi.

Gazetaning yozishicha, AQSH tomonidan taqdim etilgan razvedka ma’lumotlari Kiyevga bir qancha nishonlarga, jumladan, “oldingi chiziqdan uzoqda” joylashgan neftni qayta ishlash zavodlariga hujum qilish imkonini bergan. FT manbalariga ko‘ra, Ukraina nishonlarni tanlagan va Vashington ularning zaif tomonlari haqida ma’lumot bergan. Amerika razvedkasi Kiyevga zarbalar marshruti, balandligi, vaqti va taktikasini rejalashtirishda yordam berib, Ukraina dronlariga havo mudofaa tizimidan qochish imkonini berdi.

Oktyabr oyida “The Wall Street Journal” nashri AQSH faqat Ukrainaga Rossiya hududiga zarbalar berish uchun zarur bo‘lgan razvedka ma’lumotlarini berishga tayyorlanayotgani haqida xabar bergan edi. FT ma’lumotlariga ko‘ra, yozda razvedka ma’lumotlari almashinuvi kuchayib, manbalar buni Rossiya iqtisodiyotini zaiflashtirish va uni Ukraina bilan muzokara qilishga majburlash urinishi sifatida ta’riflagan.

Vashington uzoq vaqt davomida Moskva bilan keskinlashuv va mojaroga olib kelishi mumkin bo‘lgan harakatlardan qochgan, deb ta’kidlaydi nashr. Nashrning yozishicha, Oq uy siyosatidagi o‘zgarish AQSH va Ukraina Prezidentlari Donald Tramp va Vladimir Zelenskiyning iyul oyida bo‘lib o‘tgan telefon suhbatidan so‘ng yuz bergan. Respublikachilarning Rossiyaga chuqur zarba berish bo‘yicha pozitsiyasiga uning Rossiya Prezidenti Vladimir Putindan ko‘ngli qolgani ham ta’sir ko‘rsatdi, Tramp buni avgust oyida Alyaskadagi sammitdan keyin qayta-qayta bildirga .

Shu hafta bo‘lib o‘tgan brifingda Zelenskiy Rossiya hududiga Ukraina harbiy hujumlarida AQSH razvedkasining roliga aniqlik kiritmadi. Shu bilan birga, u G‘arb hamkorlari – Patriot, Nasam va Iris-T tomonidan taqdim etilgan havo hujumidan mudofaa tizimlaridan foydalanishga ishora qilib, Kiyev “birinchi navbatda o‘z mudofaasi uchun Amerika razvedkasi bilan hamkorlik qiladi” deb aytdi.

Kremlning ta’kidlashicha, Rossiya uzoq vaqtdan beri AQSH va NATO davlatlari razvedka ma’lumotlarini to‘plashi va ukrainalik harbiylarga uzatishini biladi: “Bu yangilik emas”.

Prezident Vladimir Putin Rossiya Ukraina Qurolli kuchlarining energetika infratuzilmasiga uyushtirgan hujumlariga toqat qilmasligini va ularga jiddiy kuch bilan javob berishda davom etishini ta’kidladi. Uning fikricha, Ukraina o‘z tarafdorlariga muvaffaqiyatlarini ko‘rsatish uchun Rossiya hududida “mutlaqo tinch nishonlarga” zarba berishga harakat qilmoqda. Putin G‘arb qurollarining bu maqsadlarda qo‘llanishi “NATO davlatlari, AQSH va Yevropa davlatlari Moskva bilan urushayotganini bildiradi” deya ogohlantirdi.