АҚШ Беларусга қарши санкциялар киритади

Олам 2057
image

Кеча, 21 декабрь куни АҚШ Вакиллар палатаси Беларусь Демократияси, инсон ҳуқуқлари ва суверенитет тўғрисидаги қонунни маъқуллади, унда Россия ва Беларусь расмийларига қарши санкциялар қўлланилиши мумкин. Бу ҳақда ҳужжат муаллифининг матбуот котиби, республикачи конгрессмен Кристофер Смит Жефф Сагнил маълум қилди.

Қонунчилик палатасининг қуйи палатаси ушбу ташаббусни 18 ноябрда қабул қилган эди, аммо у энди 2021 йил учун бюджет лойиҳасига киритилган. Яқинда Конгресс Сенати томонидан қонуннинг қабул қилиниши кутилмоқда, шундан сўнг уни АҚШ Президенти Дональд Трамп имзолаши керак бўлади.

“Ушбу икки партиявий қонун лойиҳаси демократияга тўсқинлик қилган Беларусь Ҳукумати амалдорларига қарши санкцияларни янгилайди”, дейилади Смит баёнотида.

Ҳужжат изоҳида таъкидланишича, бу Республикада 2020 йилда бўлиб ўтадиган сайловлар билан боғлиқ ҳолда АҚШ Президентининг санкцияларни киритиш ваколатларини кенгайтиради.

“АҚШ Президенти Беларусь Марказий сайлов комиссиясининг аъзоси бўлган ёки сайловни манипуляция қилишда иштирок этган ҳар қандай чет элликларга ёки мустақил оммавий ахборот воситаларини таъқиб қилишда қатнашган ҳукумат вакили ва таъқибда муҳим роль ўйнаган Россия фуқаросига қарши виза санкцияларини жорий қилиши мумкин”, дейилади хабарда.

Қўшма Штатлар, қонун лойиҳасига кўра, амалдаги Президент Александр Лукашенкони Беларуснинг қонуний равишда сайланган раҳбари, деб тан олмайди. Унда янги Президент ва парламент сайловларини ЕХҲТ меъёрларига мувофиқ равишда эркин ва адолатли тарзда ўтказиш, шунингдек барча сиёсий маҳбусларни ҳеч қандай шартларсиз озод қилиш талаб қилинади.

Умиджон Нозимжонов
Мақолага баҳо беринг
Баҳолаганлар: 62
Рейтинг: 3
Теглар
t
×