АҚШ ҲАМАСнинг бир қатор етакчиларига қарши жиноий иш очди
Олам
−
04 Сентябрь 1800
Қўшма Штатлар ҳукумати 2023 йил 7 октябрь куни Исроилга ҳужум уюштиргани учун ҲАМАС етакчиси Яҳё Синвар ва гуруҳнинг яна беш нафар етакчисига қарши расмий жиноий иш қўзғатди. Бу ҳақда мамлакат Адлия вазирлиги хабар берди.
Вазирлик баёнотида айтилишича, ҲАМАСнинг олти етакчиси Америка фуқароларини ўлдириш, терроризмни молиялаштириш ва оммавий қирғин қуролидан фойдаланишда айбланмоқда.
ҲАМАС етакчиларига нисбатан айблов эълон қилиниши рамзий ҳаракатдир. АҚШ Адлия вазирлиги ўз баёнотида айбланувчиларнинг баъзилари аллақачон ўлганини, қолганлари эса қидирувда эканлигини билдирган.
“Яқин Шарқдаги можаронинг авж олиши Европа Иттифоқи ва АҚШ томонидан террорчи ташкилот деб тан олинган радикал исломий ҲАМАС ҳаракати 2023 йил 7 октябрда Исроилга қарши кенг кўламли ҳужум уюштирганидан сўнг бошланди. Улар Исроилга йирик ракета ҳужуми уюштирди, унинг ҳудудига бостириб кирди ва замонавий яҳудий давлати тарихидаги тинч аҳолига нисбатан энг оммавий қирғинни амалга оширди. 1200 дан ортиқ одам унинг қурбонига айланди”, дейилган вазирлик баёнотида.
Эслатиб ўтамиз, аввалроқ ҲАМАС Исроилнинг янги шартларини рад этганди. Шунингдек, Исроил ва ҲАМАС ўртасидаги музокаралар муваффақиятсиз якунланди.
Live
Барчаси
