Агар келишув бўлмаса, уларни йўқ қиламиз – Трамп (видео)

АҚШ Президенти Дональд Трамп Эроннинг Покистон орқали юборилган урушни тугатиш бўйича сўнгги тинчлик таклифидан қониқмади. Бу ҳақда кеча, 1 май куни унинг ўзи журналистларга берган интервьюсида айтиб ўтган.

Оммавий ахборот воситалари билан мулоқотда Трамп Эрон билан келишувга эришиш масаласида ноаниқлик сақланиб қолётганини айтиб, агар музокаралар муваффақиятсиз тугаса, “уларни қаттиқ зарба билан йўқ қиламиз”, дея огоҳлантирган.

“Улар келишув қилишни хоҳлаяпти, лекин мени уларнинг таклифидан кўнглим тўлмади. Кўрамиз нима бўлишини”, деган Трамп можарода ўт очишни тўхтатишнинг учинчи ҳафтаси давом этётган бир пайтда.

Президент уруш қайта бошланмаслиги учун келишувга эришишни афзал кўришини билдирган, аммо зарур бўлса можаро қайта бошланиши мумкинлигини ҳам айтган.

“Улар мен рози бўлолмайдиган шартларни сўраяпти”, деб таъкидлаган у.

Эрон дипломатик манбасига кўра, мамлакат ҳукумати 30 апрель куни Покистон орқали янги таклиф тақдим этган. Таклиф мазмуни эса очиқланмаган.

Маълумот ўрнида, урушни тугатиш бўйича музокаралар бир неча ҳафтадан бери тўхтаб қолган. 8 апрелдан бери ўт очишни тўхтатиш келишуви амал қилмоқда. Бу келишув 28 февралда АҚШ–Исроилнинг Эронга ҳужуми билан бошланган можарони вақтинча тўхтатган. Танаффус можаро янада чуқурлашишининг олдини олган, аммо уни тўлиқ ҳал қилмаяпти.

Эслатиб ўтамиз, аввалроқ Эрон Ташқи ишлар вазирлиги вакили Исмоил Бағоий АҚШ яна ҳужум қилса, узоқ ва оғриқли жавоб олиши ҳақида кескин баёнот берган эди.

Ойбек Рустамов