Афғонистонда вертолёт қулади. 9 киши ҳалок бўлди 

Олам 9594
image
-

Афғонистон марказий қисмидаги Вардак вилоятида афғон махсус кучлари вертолёти ҳалокатга учради. Бу ҳақда "Tolo News" манбаларига асосланиб хабар берган. 

Таъкидланишича, тўққиз киши воқеа қурбонига айланган. 

Самолёт кеча, 17 март куни кечқурун Бехсуд ҳудудида қулаб тушган. 

Кейинчалик Афғонистон Мудофаа вазирлиги ҳалокат натижасида 9 нафар ҳарбий хизматчи ҳалок бўлганини тасдиқлаган. 

Воқеа тафсилотлари номаълум бўлиб қолмоқда, чунки авария сабаблари ва воқеа жойида мавжуд вазият тўғрисида қарама-қарши хабарлар мавжуд. 

Маълумот ўрнида, 2020 йил февраль ойида Вашингтон ва "Толибон" ўртасида имзоланган тинчлик битимига қарамай, Афғонистондаги вазият кескинлигича қолмоқда. 

Афғонистондаги Америка ҳарбий контингентининг 20 йиллик иштирокини тугатишга қаратилган ушбу ҳужжатга кўра, АҚШ шу йил 1 майгача ўз қўшинларини мамлакатдан олиб чиқиб кетиши керак.

Рушана Султонова
Мақолага баҳо беринг
Баҳолаганлар: 310
Рейтинг: 3
t
×