Абдулла Арипов РФ Бош вазири билан коронавирус пандемиясини муҳокама қилди

Жамият

image
Ўзбекистон элчихонаси РФдаги ўзбекистонликларни огоҳлантирди north_east

Ўзбекистон элчихонаси РФдаги ўзбекистонликларни огоҳлантирди

Ўзбекистон Республикаси Бош вазири Абдулла Арипов Россия Федерацияси Бош вазири Михаил Мишустин билан телефон орқали мулоқот қилди. Бу ҳақда РФ ҳукумат порталида маълум қилинди.

Мулоқот давомида янги коронавирус инфекцияси билан боғлиқ вазият муҳокама қилинди. Михаил Мишустин давлат хавфсизлигини таъминлаш, аҳоли саломатлигини сақлаш ва коронавирус инфекцияси тарқалишининг олдини олиш мақсадида 2020 йил 18 март соат 00:00 дан 2020 йил 1 май соат 00:00 гача чет эл фуқаролари ва фуқаролиги бўлмаган шахсларнинг Россияга кириши вақтинча чекланиши ҳақида маълумот берди.

Бу чеклов Россиядаги дипломатик ваколатхоналар ва консуллик муассасалари ходимларига, халқаро автомобиль транспорти ҳайдовчиларига, ҳаво, денгиз ва дарё кемалари экипажларига, халқаро темир йўл қатновидаги поезд ва локомотив бригадаларига, расмий делегациялар аъзолари ҳамда дипломатик, расмий, яқин қариндоши вафоти муносабати билан расмийлаштирилган оддий шахсий визаларга эга бўлган шахсларга нисбатан кўлланилмаслиги таъкидланди.

Михаил Мишустин телефон орқали мулоқот давомида Россия томонидан кўрилаётган чоралар Жаҳон соғлиқни сақлаш ташкилотининг тавсияларига мос келиши, бу юзага келган ноодатий ҳолат сабаб қўлланилаётгани ҳамда вақтинчалик эканлигини таъкидлади.

Ҳукумат раҳбарлари келажакда коронавирус инфекциясининг тарқалалиши хавфи юзасидан доимий мулоқотда бўлишга келишиб олган.


Мақола муаллифи

Теглар

Ўзбекистон-Россия Абдулла Арипов Михаил Мишустин

Баҳолаганлар

224

Рейтинг

3

Мақолага баҳо беринг

Дўстларингиз билан улашинг