Аҳмадалиевнинг бўлажак жанги санаси ва рақиби аниқ бўлди
Спорт
−
31 Октябрь 2023 6979
Ўзбекистонлик профессионал боксчи Муроджон Аҳмадалиев профбоксдаги навбатдаги жангини мексикалик Кевин Гонсалесга қарши ўтказади. Бу жангга Бутунжаҳон бокс ассоциацияси (WBA) буйруқ берди.
Биринчи ярим енгил вазн тоифасидаги мазкур жанг элиминатор мақомида бўлиб ўтади, яъни тўқнашув ғолиби келгусида WBA камари учун чемпионлик жангини ўтказиш имкониятига эга бўлади.
Аҳмадалиев-Гонсалес жанги 16 декабрь куни АҚШнинг Аризона штатида бўлиб ўтадиган профбокс оқшоми доирасида ўтказилади.
Маълумот учун, Муроджон Аҳмадалиев профессионал боксдаги фаолияти давомида 12 марта рингга кўтарилиб, 11 та баҳсда ғалабага эришган бўлса, Гонсалес 26 та жангнинг 25 тасида рақибларидан устун келган. Ҳозирги вақтга келиб Аҳмадалиев ўз вазнида WBA рейтингида 1-ўринни, Гонсалес эса 2-ўринни банд этган.
Live
Барчаси
