44 йил қамоқда ўтириб, оқланган эркак миллионерга айланди – (фотолар)
Бу қизиқ
−
11 Январь 17116
Умрининг қарийб ярим асрини панжара ортида ўтказган америкалик қора танли эркакка 25 млн АҚШ доллари миқдоридаги товон пули тўланди. Бу ҳақда "usatoday.com" ёзди.
Гап шундаки, 1976 йилда АҚШнинг Шимолий Каролина штатида 54 яшар оқ танли аёлни зўрлаш ва мол-мулкини талон-торож қилишда айбдор деб топилиб, умрбод қамоқ жазосига ҳукм қилинган 68 ёшли Ронни Лонг 2020 йилнинг август ойида оқланди. Орадан уч йилдан кўпроқ вақт ўтгач, ноҳақ азоб-уқубатларни бошидан кечирган эркак 25 млн долларлик тарихий тўлов билан тақдирланди.
"21 ёшида қамалиб, 65 ёшида қамоқдан чиққан Лонгага 25 миллион доллар товон пули тўлашга қарор қилинди”, деб хабар берди маҳаллий ОАВ.
Ушбу сумма мамлакатда ноқонуний судланганлик учун берилган энг катта миқдордаги товон пули экани айтилмоқда.
Эслатиб ўтамиз, аввалроқ АҚШда 48 йил қамоқда ўтирган эркак оқланган, бироқ унга тўланадиган компенсация бир неча йил ўтиб белгиланиши айтилганди.
