3 ёшли бола машинани чўктириб юборди. Бир киши қурбон бўлди

2020 йилнинг 18 июнь куни ҳуқуқни муҳофаза қилиш органларига Читадаги Кенон кўлида чўкиб кетган одамнинг жасади топилгани тўғрисида хабар келиб тушди. Ушбу ҳолат бўйича Транс-Байкал ҳудудидаги Тергов қўмитасининг Черновский туманлараро тергов бўлими томонидан терговдан олдин текшириш ўтказилди.

Тергов маълумотларига кўра, кеча 6 кишидан иборат гуруҳ Кенон кўли устида жойлашган ТЭЦ-1 сув олиш каналининг қирғоғида дам олган. Улар эрталаб жўнаб кетмоқчи бўлган ва соҳилда турган BYD F3 русумли автомашинага юкларни ортишга киришган. Бу вақтда ҳайдовчи ўриндиғида ўтирган уч ёшли бола тасодифан машинани ўт олдирган. Шундан сўнг, машина сувга тушиб кетган. Ўша пайтда, машинанинг орқа ўриндиғида 3 ёшли боладан ташқари, 9 ёшли бола ва иккита катта ёшли эркак бўлган. Каналнинг ўта чуқурлиги туфайли машина деярли дарҳол чўкиб кетган. Катталар болаларга чўкаётган машинадан чиқишга ёрдам берган, аммо улар 1969 йилда туғилган одамни қутқара олишмаган.

Республика тергов қўмитаси терговчилари воқеа жойини текширишди, гувоҳлар билан суҳбатлашишди. Марҳумнинг жасади суд экспертизасига юборилди. Терговчилар жонга қасд қилиш аломатларини топишмаган.

Текшириш якунларига кўра, терговчилар жиноий процессуал қонун ҳужжатларига мувофиқ қарор қабул қилади.