2028 ва 2032 йилги Европа чемпионати мезбонлари аниқ бўлди
Спорт
−
10 Октябрь 2023 3898
Футбол бўйича 2032 йилги Европа чемпионати Италия ва Туркияда ўтказиладиган бўлди. Бу ҳақда UEFA'нинг Швейцарияда бўлиб ўтган маросимида маълум қилинди.
Айтилишича, Италия ва Туркиянинг қўшма аризасидан ташқари ҳеч бир давлат турнир мезбонлигига даъвогарлик қилмаган.
Шунингдек, маросимда 2028 йилги Европа чемпионатига Буюк Британия ва Ирландия мезбонлик қилиши эълон қилинди, уларнинг таклифи ҳам тўғридан-тўғри ғолиб бўлган.
Маълумот учун, Евро-2020 баҳслари карантин сабабли қитъанинг турли давлатларида ўтказилган. Финал ўйинига эса Лондондаги “Уэмбли” стадиони мезбонлик қилган эди. Охирги Европа чемпионатида Италия терма жамоаси муваффақият қозонганди.
Live
Барчаси
