2020 йилда Туркий Кенгаш доирасида Ўзбекистонда Ёш тадбиркорлар форуми ўтказилади

Жамият

image

Туркий Кенгаш доирасида Ёш тадбиркорлар форуми таъсис этилади ва унингг биринчи йиғилиши 2020 йилда Ўзбекистонда ўтказилади. Бу ҳақдаги таклифни Ўзбекистон Республикаси Президенти Шавкат Мирзиёев кеча, 15 октябрь куни Озарбайжон пойтахти Баку шаҳрида бўлиб ўтган Туркий тилли давлатлар ҳамкорлик Кенгашининг еттинчи саммитида ўртага ташлаган. 

Шавкат Мирзиёев Кенгашга аъзо мамлакатлар аҳолисининг 40 фоизидан ортиғи ёшлар эканидан келиб чиқиб, уларни тадбиркорликка кенг жалб этиш мақсадида Туркий Кенгаш доирасида Ёш тадбиркорлар форумини таъсис қилиш ва унинг биринчи йиғилишини келгуси йил Ўзбекистонда ўтказишни таклиф қилган. 

"Туркий Кенгашга аъзолик халқимизнинг туб манфаатларига тўла жавоб беради. Бугунги кунда ўртамизда нафақат маданий-маънавий алоқалар, балки савдо-иқтисодий муносабатлар ҳам янги босқичга кўтарилмоқда. Охирги уч йилда давлатларимизнинг ўзаро савдо ҳажми салкам икки баробарга ошди, мингдан ортиқ янги қўшма ширкатлар очилди. Транспорт қатновлари кенгаймоқда, визасиз тартиб асосида туристлар оқими тобора кўпаймоқда, халқларимизнинг қардошлик ришталари мустаҳкамланмоқда", деди Шавкат Мирзиёев.

Ўзбекистон Президенти тадбиркорлар ўртасида тўғридан-тўғри ва ишончли алоқаларни ўрнатиш учун энг қулай шароитлар яратишни устувор вазифа деб қайд этди. Шу борада қўшма технопарклар, стартап инновация компаниялари ва венчур жамғармалари ташкил этиш, қўшма инвестиция фонди ва туркий давлатлар савдо уйларини биргаликда барпо этиш ташаббусини илгари сурди.


Мақола муаллифи

Теглар

Шавкат Мирзиёев Туркий тилли давлатлар ҳамкорлик Кенгаши Ёш тадбиркорлар форуми

Баҳолаганлар

6

Рейтинг

2.8

Мақолага баҳо беринг

Дўстларингиз билан улашинг