12 йилдан буён қидирувда бўлган ўзбекистонлик АҚШда ушланди
3-саҳифа
−
15:21 653 1 дақиқа
12 йилдан буён қидирувда бўлган шахс АҚШдан Ўзбекистонга қайтарилди. Бу ҳақда Жиззах вилояти Ички ишлар бошқармаси хабар берди.
Қайд этилишича, Жиноят кодексининг 223-моддаси (қонунга хилоф равишда чет элга чиқиш ёки Ўзбекистон Республикасига кириш) 2-қисми “г” бандида назарда тутилган жиноятни содир этганликда айбланиб, 2014 йилдан буён қидирувда бўлган фуқаро қўлга олинган.
Билдирилишича, тезкор-қидирув тадбирлари натижасида 1978-йилда туғилган Ю.Н. АҚШдан Ўзбекистонга олиб келинган ва Жиззах шаҳар прокуратурасига топширилган.
“Қидирувда бўлган шахсларни аниқлаш, уларни мамлакатга қайтариш ҳамда қонунийликни таъминлаш борасидаги ишлар давом эттирилмоқда”, дейилади хабарда.
Эслатиб ўтамиз, аввалроқ катта миқдордаги маблағларни фирибгарлик йўли билан қўлга киритишда гумонланаётган Ўзбекистон фуқароси Туркияда ушланган эди.
Live
Барчаси
