110 кундан сўнг... Словакия пандемиянинг юқори чўққига чиқишини кутмоқда
Олам
−
31 Март 2020 8614
Словакияда коронавирус билан касалланиш ҳолатининг энг юқори чўққиси 110 кундан кейин кузатилади. Бу ҳақда Республика Соғлиқни сақлаш вазирлиги раҳбари Марек Кражич бугун, 31 март куни бўлиб ўтган матбуот анжуманида маълум қилган.
“COVID-19 билан курашиш бўйича илгари қабул қилинган ва режалаштирилган чора-тадбирларни муваффақиятли амалга ошириш натижасида, республикада ушбу касалликнинг энг юқори чўққиси 110 кундан кейин пайдо бўлишини кузатишимиз мумкин. Тахминларга кўра, ўша пайтда 1 мингга яқин одам ўпкага сунъий ҳаво юбориш ускунасига муҳтож бўлади. 7 мингга яқин одам эса вирус билан касалланишнинг жиддий белгилари билан касалхонага ётқизилади”, деди вазир.
31 март ҳолатига кўра, Словакияда коронавирус билан касалланган 336 бемор рўйхатга олинган. Бир нафар бемор вафот этган.
"Ҳозирда бемор нима сабабдан вафот этганини аниқлаб олиш керак", деди Соғлиқни сақлаш вазирлиги вакили Зузана Элиашова. Крайчи ва Элиашованинг чиқишлари мамлакатдаги тармоқ телеканалларида намойиш этилган.
Live
Барчаси
