Қамчиқ довонида Mercedes Sprinter ёниб кетди

3-саҳифа 3896

Кеча, 10 ноябрь куни Қамчиқ довонида Mercedes Sprinter автомобили двигателидаги носозлик туфайли ёнғин содир бўлди. Бу ҳақда ФВВ хабар берган.

Манбага кўра, кеча тунда Тошкент—Ўш халқаро автомагистралининг 246-километрида пойтахт томон ҳаракатланаётган Mercedes Sprinter русумли автомобилда ёнғин содир бўлган.

Аниқланишича, ёнғин двигатель бўлинмасидан ёқилғи оқиши оқибатида келиб чиққан. 

ФВВнинг Қамчиқ махсус қидирув, ёнғин-қутқарув бошқармаси ходимлари зудлик билан воқеа жойига этиб келган. Ёнғинни бартараф этишга бир нечта махсус техника бирлиги жалб қилинган.

Маълумот учун, ёнғин 3 дақиқа ичида бартараф этилган. Автомобиль ҳайдовчиси ўз вақтида машинадан чиқишга муваффақ бўлган. Ёнғиндан тан жароҳати олганлар йўқлиги маълум қилинган.

Рушана Султонова
Мақолага баҳо беринг
Баҳолаганлар: 108
Рейтинг: 2.9
t
×