Ҳужжатларни қалбакилаштирган Роналдиньо уй қамоғига олинди
Спорт
−
08 Апрель 2020 5721
Каталониянинг “Барселона” ва Бразилия терма жамоасининг собиқ ҳужумчиси Роналдиньо уй қамоғига олинди. Бу ҳақда “As” хабар бермоқда.
Маълумотларга кўра, футбол бўйича 2002 йил жаҳон чемпионини тергов ҳибсхонасидан Парагвайдаги шахсий уйига олиб ўтишган. Бунинг учун футболчи 1,6 миллион доллар миқдорида гаров пули тўлади.
Эслатиб ўтамиз, Роналдиньога нисбатан ҳужжатларни қалбакилаштириш бўйича жиноий иш очилган. У сохта паспорт билан Парагвайга киргани сабаб, у маҳаллий полиция ходимлари томонидан ҳибсга олинган эди.
Маълумот ўрнида, Роналдиньо Бразилия терма жамоаси сафида 96 учрашувда майдонга тушиб, рақиблар дарвозасини 33 маротаба ишғол қилган. 2002 йили Жанубий Корея ва Япония мезбонлик қилган жаҳон чемпионатида Роналдиньо олтин медалга сазовор бўлган.
Live
Барчаси
