Ҳусийлар АҚШ ҳарбий кемаларини “ўйиндан чиқаргани”ни маълум қилди

Бугун, 25 декабрь куни Яман шимолидаги ҳукмрон ҳусийлар ҳаракати Америка ҳарбий кемаларига муваффақиятли зарба берганини маълум қилди. 

Қайд этилишича, тўқнашув Адан кўрфази ва Боб ал-Мандеб бўғозидаги Америка эсминецлари ва тижорат кемалари сузиб кетаётган вақтида содир бўлган. Ҳарбий кемалар Американинг иккита тижорат кемасини ҳимоя қилиб бораётган бўлган. Ҳарбий зобитнинг қўшимча қилишича, тўқнашув икки соатдан кўпроқ вақт давом этган. Яман қуролли кучлари бир қанча баллистик ракеталардан фойдаланган.

"Операция давомида Америка ҳарбий кемасини аниқ нишонга олишга муваффақ бўлдик. Натижада Американинг иккита савдо кемаси ҳаракатини тўхтатишга мажбур бўлди", дея хулоса қилган ҳаракат вакили.

Маълумот учун, Яман ҳусийлари ЦАХАЛ ва ҲАМАС ўртасидаги уруш фонида Қизил денгиздаги Исроилга алоқадор кемаларга ҳужумга ўтди. Ушбу жараёнда ҳаракат кемаларни дрон ва ракеталар билан нишонга оляпти.

Улканбаева Райҳона