Husanovning “Tottenxem”ga qarshi o‘yini qanday baholandi?
Sport
−
27 fevral 15763 1 daqiqa
O‘zbekistonlik futbolchi Abduqodir Husanov “Manchester Siti”ning “Tottenxem”ga qarshi bahsida “Sofascore” tomonidan 7 ballga loyiq ko‘rildi.
Mazkur o‘yinda eng yuqori ballni “shaharliklar” darvozaboni Ederson oldi va u 8.4 ballga loyiq ko‘rildi. Eng past bahoni o‘yindagi yagona gol muallifi bo‘lgan bo‘lsa ham Erling Xoland oldi va u 6.6 ballga baholandi.
Qayd etish joiz, Husanov ketma-ket uchinchi o‘yindirki, asosiy tarkibda maydonga tushdi va unga to‘liq 90 daqiqa harakat qilishga imkon berildi.
Eslatib o‘tamiz, 27 fevralga o‘tar kechasi APL 27-turidan o‘rin olgan markaziy uchrashuvda “Manchester Siti” Londonda “Tottenxem” mehmoni bo‘ldi va minimal 1:0 hisobda g‘alaba qozondi. Ushbu bahsda o‘zbekistonlik futbolchi Abduqodir Husanov “shaharliklar” safida asosiy tarkibda maydonga tushdi va to‘liq 90 daqiqa harakat qildi.
