Ҳусанов трансферида ким фаворит?

Ўзбекистон миллий терма жамоаси ва Франциянинг “Ланс” клуби ҳимоячиси Абдуқодир Ҳусанов трансферида Англиянинг "Манчестер Сити" клуби фаворитлик қилмоқда. Бу ҳақда футбол журналисти Фабрицио Романо Х саҳифасида маълум қилди.

Манбага кўра, “Манчестер Сити” Абдуқодир Ҳусанов трансфери бўйича алоқаларни фаол давом эттирмоқда. “Ланс”, футболчи ва инглиз клуби томонидан музокаралар бошланган.

“Ҳали олдинда кўплаб қадамлар бор, сабаби унга кўплаб клублар қизиқмоқда”, дейилади манба хабарида.

Маълумотларга кўра, шахсан Пеп Гвардиоланинг ўзи 20 ёшли ҳимоячини “шаҳарликлар” сафида кўришни истамоқда. Англия клуби вакиллари Ҳусанов учун 20 миллион евро сарфламоқчи. “Ланс” клуби раҳбарияти ҳам ўзбекистонлик футболчини январь ойида бошқа клубга ўтишини тасдиқлади.

Маълумот учун, Ҳусанов жорий мавсум “Ланс” сафида 16 та ўйинда майдонга тушиб, ўз номига 1 та ассист ёздириб қўйди. “Transfermarkt” порталига кўра, унинг қиймати 12 миллион еврони ташкил этади.