Ҳукумат қарори: Ўзбекистон иккита ислом корпорациясига киради

Жамият

image

Ўзбекистон Республикаси Вазирлар Маҳкамасининг “Ислом тараққиёт банки гуруҳи ва Араб мувофиқлаштириш гуруҳи жамғармалари билан ҳамкорликни янада ривожлантириш чора-тадбирлари тўғрисида”ги қарори қабул қилинди. Бу ҳақда “Норма” хабар берди.

Президентнинг жорий йилнинг 5 мартидаги “Ислом тараққиёт банки гуруҳи ва Араб мувофиқлаштириш гуруҳи жамғармалари билан ҳамкорликни янада кенгайтириш ва чуқурлаштириш чора-тадбирлари тўғрисида”ги қарори билан мазкур ташкилотлар билан ҳамкорликни янада ривожлантириш бўйича Ҳаракатлар режаси (“Йўл харитаси”) тасдиқланганди.

Кўзланган мақсадларни амалга ошириш учун 4 та дастурий ҳужжат тасдиқланди.

Ислом тараққиёт банки гуруҳи (ИТБ) ва Араб мувофиқлаштириш гуруҳи жамғармалари (АМГ) билан ҳамкорликни янада кенгайтириш бўйича Ҳаракатлар режаси (“Йўл харитаси”) да 26 та тадбирни амалга ошириш назарда тутилган. Халқаро ислом савдо-молиявий корпорацияси ҳамда Ислом инвестициялар ва экспорт кредитларини суғурта қилиш корпорациясига кириш бўйича ички давлат тартиботлари якунланиши лозим.

ИТБ билан ҳамкорликни ривожлантириш бўйича бошқа тадбирлар қаторида кичик бизнес ва хусусий тадбиркорлик лойиҳаларини молиялаштириш учун “Алоқабанк” АТБ орқали 10 доллар миқдорида Ислом хусусий секторни ривожлантириш корпорациясининг молиялаштириш линияси жалб этилиши ҳам назарда тутилган. АМГ билан ҳамкорликни ривожлантириш тадбирлари сирасида эса – ИТБ, Қувайт араб иқтисодий ривожланиш жамғармаси, ОПЕК жамғармаси, Абу-Даби ривожлантириш жамғармаси ва Саудия тараққиёт жамғармаси иштирокида Ўзбекистонни ижтимоий-иқтисодий ривожлантириш лойиҳаларини амалга ошириш.

Бундан ташқари, қуйидагиларда соғлиқни сақлаш, мактабгача таълим, сув таъминоти тизимини, йўл-транспорт инфратузилмасини ривожлантириш ҳамда арзон уй-жойлар қуриш лойиҳалари назарда тутилган:

2021 йилгача мўлжалланган ИТБ билан ҳамкорликни ривожлантириш бўйича тадбирларда;

ИТБ ва АМГ жамғармалари билан биргаликда амалга ошириш таклиф этилаётган истиқболли инвестиция лойиҳалари рўйхатларида.


Мақола муаллифи

Теглар

қарор Ислом тараққиёт банки Араб мувофиқлаштириш гуруҳи

Баҳолаганлар

13

Рейтинг

3.3

Мақолага баҳо беринг

Дўстларингиз билан улашинг