Ҳафта давомида қандай об-ҳаво кузатилади?

Бу қизиқ 4188
image

Гидрометеорология хизмати маркази жорий ҳафтада кутилаётган об-ҳаво ҳақида ахборот берди. 

Дам олиш кунларида ёғиб ўтган ёғингарчиликлар, “биринчи қор”дан кейин, бугун Ўзбекистон ҳудудида об-ҳаво ёғинларсиз ва камбулутлидир. Бундай ҳол нам ҳаво оқимларининг Урал томондан республикага кирган жуда совуқ антициклон билан ўрин алмашиши билан боғлиқ. Кундузги ҳарорат 0 даражадан ошмайди.

Эртага, 26 ноябрь куни антициклон таъсири кучаяди. Натижада тунги ҳарорат 6-8 даража совуққача, айрим жойларда эса 10-12 даража совуққача тушади. Кундузи қуёш нурлари ҳавони 3 даражагача илитади.

Кейинги кунларда антициклон Қозоқистоннинг шимоли-шарқий қисми томон ҳаракатланиб, таъсирини камайтиради. Ҳафтанинг жума кунига келиб тунги совуқ 0-5 даража совуққача кўтарилади, кундузи ҳаво ҳарорати 5-7 даража илиқ бўлиши кутилмоқда.

Qalampir.uz Tahririyati
Мақолага баҳо беринг
Баҳолаганлар: 165
Рейтинг: 3
Теглар
t
×
×