Шавкат Умурзоқов Тошкент ҳокими бўлди

Ўзбекистон

−

03 Апрель 2024 visibility21235 timer1 дақиқа

2023 йилнинг март ойидан бери Тошкент шаҳри ҳокими вазифасини бажарувчи сифатида ишлаб келаётган Шавкат Умурзоқов шаҳар ҳокими этиб тасдиқланди. Бу ҳақда пойтахт ҳокимлиги матбуот хизмати хабар берди.

Қайд этиш жоизки, олдинроқ Президент матбуот котиби Шерзод Асадов бугун, 3 апрель куни Ўзбекистон раҳбари Шавкат Мирзиёев Халқ депутатлари Тошкент шаҳри кенгашининг навбатдан ташқари сессиясида иштирок этишини маълум қилганди.

Маълумот учун, Шавкат Умурзоқов 1979 йилда туғилган. 2011 йилнинг июнь ойидан 2013 йилнинг сентябригача Тошкент вилояти прокуратурасида уюшган жиноятчилик ва коррупцияга қарши курашиш бошқармаси бошлиғи лавозимида ишлаб келган. 2013-2018 йилларда Ўзбекистон Бош прокуратураси ҳузуридаги Уюшган жиноятчилик ва коррупцияга қарши курашиш департаментини бошқарган. Умурзоқов “Ўзавтосаноат” компанияси раиси лавозимида ҳам ишлаган.

Мақола муаллифи