Путинга суиқасд хомхаёлдан бошқа нарса эмас – Песков
Олам
−
22 Ноябрь 2023
6176Кремль матбуот котиби Дмитрий Песков Киев расмийлари Россия Президенти Владимир Путиннинг ҳаётига оғзаки равишда кўп марта суиқасд қилганини айтди ва уларнинг шунчаки хомхаёлдан бошқа нарса эмаслигини маълум қилди. Бу ҳақда у ВГТРК журналисти Павел Зарубинга берган интервьюсида сўз очди.
Маълумотларга кўра, Павел Зарубин Песковдан Украина Президенти Владимир Зеленскийнинг Путинга суиқасд қилиш ҳақидаги баёнотига муносабат билдиришни сўраган.
"Эсингизда бўлса, Украинадан турли даражаларда кўп марта Путиннинг ҳаётига оғзаки суиқасд қилишга уринишлар бўлган. Биз буни яхши биламиз. Улар муваффақиятга эриша олмайди. “Махсус ҳарбий операция”нинг барча мақсад ва вазифаларига эришилишига шубҳамиз йўқ ", дея жавоб берган Песков.
Эслатиб ўтамиз, олдинроқ Украина Президенти Владимир Зеленский “The Sun” нашрига берган интервьюсида Путинни ўлдириш имкониятидан фойдалана олиши ҳақидаги саволга жавобан бу уруш эканини айтиб, Украина ўз ерларини ҳимоя қилишга тўлиқ ҳақли эканини эслатган эди.