“Forbes” дунёнинг энг ёш миллиардерлари рейтингини эълон қилди
Олам
−
10 Апрель 2022 20078
“Forbes” журнали дунёдаги энг ёш миллиардерларнинг 2022 йилдаги даромадларини эълон қилди. Уларнинг умумий бойлиги 25,8 миллиард долларни ташкил қилади.
30 ёшгача бўлган миллиардерлар рейтингига 12 киши кирган, улардан тўрт нафари мустақил равишда бойлик орттирган янги иш бошлаганлар.
Шундай қилиб, рўйхатда биринчиликни Сэм Бэнкмен-Фрид билан биргаликда FTX криптовалюта биржасига асос солган 29 ёшли америкалик Гэри Ван (5,9 миллиард доллар) эгаллаган. Биржа 2019 йилдан буён фаолият юритиб келмоқда, унинг бир кунлик операциялари ҳажми 15 миллиард долларга етиши мумкин.
Иккинчи ўринда 27 ёшли Райан Бреслоу Стенфорд университетини ташлаб, Bolt онлайн тўлов хизматига асос солган. Унинг бойлиги 2 миллиард долларга баҳоланган.
Учинчи ўринда ҳар бири 1,5 миллиард долларлик бойлик билан Педро Франчески ва Энрике Дубургас. Улар Brex кредит карта стартапини ишга туширган, ҳозирда унинг қиймати 12,3 миллиард долларга баҳоланмоқда.
Нашр маълумотларига кўра, 12 нафар миллиардердан 5 нафари ўз бойликларини мерос қилиб олган, етти нафари эса ўз бизнесини ривожлантирган.
Маълумки, ўтган йилги 30 ёшгача бўлган миллиардерлар рейтингида 10 киши бор эди. Бироқ уларнинг умумий бойлиги 2022 йилдаги рейтингдагилар ҳолатидан 3,7 миллиардга кўп бўлган. Tesla ва SpaceX асосчиси Илон Маск “Forbes” талқини бўйича биринчи марта дунёнинг энг бой одамлари рейтингида биринчи ўринни эгаллаган.
Аввалроқ, “Forbes” журнали дунёдаги энг бой аёллар рўйхатини эълон қилганди. Унда 327 нафар миллардер хонимлар жой олган.
Live
Барчаси