Messi Jahon chempionatining eng yaxshi to‘purari bo‘ldi

Argentina terma jamoasi hujumchisi Lionel Messi Jahon chempionati guruh bosqichining 2-turida Avstriyaga qarshi uchrashuvda gol urib, turnir tarixidagi eng yaxshi to‘purarga aylandi.

Argentinalik futbolchi o‘yinning 38-daqiqasida hisobni ochdi. Bu gol Messining Jahon chempionatlaridagi 17-goli bo‘ldi. Shu tariqa u Germaniya terma jamoasining sobiq hujumchisi Miroslav Klozeni (16 gol) ortda qoldirib, mundiallar tarixidagi eng yaxshi to‘purar maqomini qo‘lga kiritdi.

Qizig‘i, uchrashuvning 9-daqiqasida Messi penaltidan foydalana olmagan edi. Shunga qaramay, Messi o‘yinning yakuniy daqiqalarida gol urib joriy turnirdagi 5 golini kiritdi. Shu tariqa, u turnirdagi gollari sonini 5 taga yetkazib, 2026 yilgi Jahon chempionatining eng yaxshi to‘purarlari ro‘yxatida yakka peshqadam bo‘lib turibdi.

Eslatib o‘tamiz, Messi birinchi turda Jazoirga qarshi bahsda (3:0) xet-trik qayd etgan edi. Avstriyaga qarshi uchrashuvdagi g‘alaba Argentina terma jamoasini muddatdan avval pley-off bosqichiga yo‘llanma oldi.

Ma’lumot uchun, Messi Argentina terma jamoasi bilan 2022 yilgi Jahon chempionati g‘olibi, 2014 yilgi mundial finalchisi, 2008 yilgi Olimpiya chempioni hamda ikki karra Amerika kubogi sohibi (2021, 2024) bo‘lgan.

Bundan tashqari, Messi 8 marta qo‘lga kiritgan “Oltin to‘p” mukofoti bo‘yicha ham rekord sohibi hisoblanadi.