Нидерландия Швецияни йирик ҳисобда мағлуб этди

Бугун, 20 июнь куни 2026 йилги футбол бўйича Жаҳон чемпионати “Ф” гуруҳининг 2-туридан ўрин олган Нидерландия ва Швеция терма жамоалари ўртасидаги учрашув якунланди. Учрашувда Нидерландия терма жамоаси 5:1 ҳисобида ишончли ғалабага эришди.

АҚШнинг Хьюстон шаҳридаги “NRG Stadium” аренасида бўлиб ўтган баҳсни англиялик ҳакам Майкл Оливер бошқариб борди.

Ҳисоб ўйиннинг 5-дақиқасида нидерландиялик ҳужумчи Брайан Бробби томонидан очилди. У 17-дақиқада яна бир бор рақиб дарвозасини ишғол қилиб, дубль муаллифига айланди.

Иккинчи бўлимда эса Коди Гакпо ўзини кўрсатди. У 47 ва 54-дақиқаларда гол уриб, жамоасининг устунлигини янада оширди.

59-дақиқада швециялик ҳужумчи Энтони Эланга битта тўп киритиб, ҳисобни қисқартирди. Аммо учрашувнинг 89-дақиқасида Крисенсио Саммервилл якуний нуқтани қўйди — 5:1.

Ушбу ғалабадан сўнг Нидерландия 4 очко билан “Ф” гуруҳида пешқадамликни қўлга олди. Швеция 3 очко билан иккинчи ўринда бормоқда. Гуруҳдаги бошқа жамоалар — Япония ва Тунис баҳси эртага, 21 июнь куни Тошкент вақти билан 9:00 да бўлиб ўтади.

Гуруҳ босқичининг сўнгги турида, жорий йилнинг 26 июнь куни Нидерландия Тунисга қарши майдонга тушса, Швеция Япония билан куч синашади.

Ўйинда киритилган голларни ушбу ҳавола орқали томоша қилишингиз мумкин.