Ғалати мессеж: Рубио Хитойга Мадуро ўғирланган тундаги либосда отланди

АҚШ давлат котиби Марко Рубио Хитойга ташрифи учун Венесуэла етакчиси Николас Мадуронинг ўғирланганидан кейинги кийимига ўхшаш костюмни танлади. Унинг Nike компаниясининг спорт кийимида тушган сурати ижтимоий тармоқларда мемларга сабаб бўлмоқда. 

“Оқ уйнинг коммуникациялар бўйича директори ҳозиргина давлат котиби Рубионинг Air Force One бортида, Мадуро кийган спорт кийимида тушган ушбу суратини улашди”, деб ёзди Х ижтимоий тармоғида мухбир Келли Мейер Стивен Чунг томонидан эълон қилинган суратга изоҳ берар экан.

Журналистнинг таъкидлашича, бу сурат Президент Дональд Трампнинг Венесуэлани АҚШга 51 штат сифатида қўшиш ғоясини билдирган интервьюсидан бир кун ўтиб пайдо бўлган.

Жорий йилнинг 3 январь куни АҚШ Венесуэлага йирик зарба берди. Президент Мадуро ва унинг рафиқаси Силия Флорес қўлга олиниб, Нью-Йоркка олиб кетилган. АҚШ расмийларига кўра, улар наркотерроризмга алоқадор бўлган. Бунгача вице-президент лавозимида ишлаган Делси Родригес Венесуэланинг муваққат президенти бўлди.

Шундан сўнг, Вашингтон ва Каракас дипломатик муносабатларни тиклаш жараёнини бошлади.