Ангрендаги пичоқбозликда 2 киши ҳалок бўлди

Ижтимоий тармоқларда Тошкент вилоятининг Ангрен шаҳрида пичоқбозлик бўлгани, 3 киши пичоқлангани ва улардан 2 таси вафот этгани ҳақида хабарлар тарқалди. Ҳолатга аниқлик киритиш мақсадида QALAMPIR.UZ Ички ишлар вазирлиги матбуот котиби Шоҳрух Ғиёсов билан боғланди.

Ғиёсовнинг маълум қилишича, ҳозирда мазкур ҳолат юзасидан Ангрен шаҳар прокуратураси томонидан терговга қадар текширув ҳаракатлари олиб борилиб, Жиноят кодексининг 97-моддаси (қасддан одам ўлдириш) 2-қисми “а”,“ж” бандлари билан жиноят иши қўзғатилган.

Ҳозирча ҳодиса тафсилотлари батафсил ошкор этилмаган.

Эслатиб ўтамиз, аввалроқ InfinBANK ходими мижозини ўлдириб, унинг жасадини каналга ташлаб юборган. Мазкур ҳолат юзасидан Қўқон шаҳар прокуратураси томонидан фуқаро А.Т. га нисбатан Ўзбекистон Республикаси Жиноят кодексининг 97-моддаси (қасддан одам ўлдириш) 1-қисми билан жиноят иши қўзғатилиб, у Жиноят-процессуал кодексининг 221-моддаси тартибида ушланган.